Letra da Música Liacht Und Schåtta de Bluatschink

Wenn s'Leba måcht, dass du nur dåhängsch wia a Stoa
bei Tåg und Nåcht nur Vergångenem nåchhängsch gånz alloa
dånn håsch wohl irgendwo a poor Sunnastråhla verpasst

Wenn åber moansch, Du kennsch des Leba gånz genau
und ålles easy, ålles rosa und himmelblau
dånn kånn scho sei, dass Di so manches no überrascht

S'braucht Dur und Moll, wenn des Leba voller Fårba leichta soll
Moll und Dur, weil siensch klinga doch dia hålba Saita nur
Dur und Moll, Moll und Dur

Liacht und Schåtta
s'werd im Leba boades geba - und wenn's o manchmål weah tuat
Då geit's Liacht und Schåtta
wer des Leba will, s'Leba leba will, findet Liacht und Schåtta

S'geit oft a Zeit, wo ma koan Sinn mehr secha ko
Hoffnungsloses Leid, dass des vergeaht, glåubsch numma dro
und dass dia Zeit o wirklig ålle Wunda hoalt

Doch hinterher luagsch auf den schwara Weg zurück
und siechsch draus manche Wurzel wåchsa vom nuia Glück
Dia geit Deim Leba wieder Gstålt und geit Dir Hålt

S'braucht Tåg und Nåcht, damit sich s'Leba jeden Tåg gånz nui entfåcht
S'braucht Leba und Tuad, rehra, låcha, liaba, streita, Ångscht und Muat
Tåg und Nåcht, s'braucht Leba und Tuad

Es geaht trotz schlechta Zeita s'Leba ålba weiter
und kloana Unebaheita könna o bedeita
dass ma's Geah it gånz verlernat und mit boada Füaß am Boda steaht

Wenn irgendwo Schåtta sei, nocha woaß ma glei:
Då muaß irgendwo a Liacht sei
Luag Di um - då werd irgendwo a Liacht sei
Jå, luag Di um, nocha siechsch des Liacht glei