Letra da Música Der Kloane Unterschied de Bluatschink

Des isch der kloane Unterschied - er und sie
Då geit's an kloana Unterschied

Adam und Eva, lång isch her, gånz lång
doch es isch gånz gwiß, daß dia zwoa im Paradies
mit der långa Stånga Schlånga fånga gånga sei
Dånn wår's vorbei mit dem Leba so als Nackedei
Der Biß in da Åpfl - gånz gwiß, der wår schleeecht
weil då håba sie es gsecht
daß sie nåckig sei, pudelnåckig sei! Sie håba it amål
a Feigablått ghåt
Und då håba sie'n des erschte Mål gsecht
den kloana Unterschied

A Million Jåhr spater sie und er, er und sie
Rendezvous! Rendezwie?
Na, sie liebt ihn und er liebt sie
Ma wird schwåch und scho lebt ma unter oam Dåch
und es geit Kråch
Ma will's it höra, ma håt sich gera
doch irgendwia isch der andre von am åndra Stera
Und dia Såcha, dia am då auf amål an dem andra störa
dia sei kleinlich, peinlich! Doch wenn sie intim sei
isch es leider augenscheinlich:
Zwischa ihna steaht der kloane Unterschied

Und sie reda hin und her in dem Eheeinerlei
Aneinånd vorbei, o wenn sie einer Meinung sei
Des Problem in dem Kåmpf, in dem Spiel, dem blöda
isch so oft it worüber, sondern wia sie reda
Jå und wånn - weil sie hålt ålba kånn
und er dånn und wånn hålt it will
Und dånn hockt er gånz still vur seim blöda Fußbållspiel
Und sie will reda drüber
Und sie kocht ihm koa Suppa, sondern sie kocht über

Doch des Leba war fad, wnn's den Unterschied it gab
Minus ziacht's zu Plus gånz magisch
Des isch it tragisch, sondern logisch - biologisch