Letra da Música Då Bleiba Spura de Bluatschink

Manchmål, då riachsch nur an Duft aus vergångner Zeit
und dånn steigt aus der Gruft der Vergångaheit
a Gschicht in Dei Hira, dia isch so lång her

Manchmål, då hörsch Du a Liad und dånn wird Dir klår
dass des, wås Dir gråd passiert, scho amål so wår
Zum Glück isch des meischtens dånn so wunderbår

Leider kinnt manchmål gånz aus'm tiafschta Grund
so a kloanes Stück Trauer - scheinbår ohne Grund
Gånz egal, ob då Schmerz wår oder Harmonie
eppas bleibt gånz tiaf dinna

Då bleiba Spura
Då bleiba Spura tiaf in Dir
Und åll dia Spura
zoachna a Muschter tiaf in Dir

Des Di präga wird, des ma nia verliert
Und des Di plåga ko, des Di tråga ko
Då bleiba Spura
Då bleiba Spura gånz, gånz tiaf in Dir

Jed'smål, wenn d'Seele im Flug auf der Kippe steaht
jedesmål, wenn Dei Herz aus der Deckung geaht
kånn guat geah, kånn schlecht geah
die Erinnerung bleibt

Såg, wem bisch Du begegnet, håsch Di overtraut?
Und wånn håt Dir des Schicksål mål a Wunde khaut?
Doch vor ållem såg, wånn der Himmel offa wår
des wersch nia mehr verliera

Kånn scho sei, dass so manche Spur
auf meiner Seele a bissle nårbig wird
Wichtig isch, dass des Muster då auf meiner Seele
grenzenlos fårbig wird

Woasch Du no Dein erschta Kuss
und dia Träna gånz am Schluss?
Woasch Du no des erschte Kind
woasch Du, wia a Träne rinnt?
Wia Dei erschter Schualtåg wår
gånz verregnet, sunnaklår?
Gånz vom Schicksål unbeschrieba
isch no nia a Herz geblieba