Letra da Música 't Laand Woar Ik Van Hol de Age Van Der Velde

Refraain:
Der is n laand woar k mien haile leven wil leven
Der is mor ain stee woar ik zo van hôl
Dat is het Grunneger Laand, woar ik bin geboren
Dat slichte laand, mit heur aigen toal

Het binnen de kerken van Kraiwerd, Riep, Ôl-Pekel
t Is de veenbörg mit zien toen Börkomnij
Het kweldergras en schorrenkruud op de Wadden
De lutje boten op de Hoornse Voart in Wij

Het binnen de börgen van Aizing, Lains, Wedde en Slochter
Nuus, Oethoezen, Wirdum, Daam, Midwolle
De torenklokken in Stad van d’Olle Grieze
t Is het schiere dörpenlandschop van Westerwolle

Refraain.

Het binnen de torens van Maiden, Beem en Naandel
“t Zielhoes” mit heur viskerlu in Pollerziel
t Is t ôlle kerkhof op de wier in Roanum
En de veule bruggen over t daip in Kiel

Het binnen de meulens van Winschoot, Hoaren en Fiwwerd
Noordbrouk, Olhoof, Wietwerd, Mij en Spiek
De loanen mit popelieren, heur schiere boerderijen
De roek van klaai en zaand, de wilgen stobben aan diek

Refraain.

t Is het Grunneger laand, woar k zo van hôl.