Letra da Música Gainain de Age Van Der Velde

Ze waiten ales beter
Ze waiten t apmoal zo goud
Dij lu dij geern noar n aander wiezen
En din zeggen hou t wel mout
"Zörg dat je n vak leren
Geluk dat is veur loater"
Mor gainain dij mie helpen kin
Zulfs gain psychioater
Want ik zeg, k zeg aaltied tegen miezulf:

"Gainain kin zeggen wat ik doun mout
Gainain kin zeggen wat ik vuil
Gainain kin zeggen wat ik doun mout
Gainain kin zeggen wat ik vuil"

De Generoal, de swaarver, de Frais en de Drint
De bakker, d'avvekoat, kampeerders in heur tent
De dikke, de dunne, de klaaine dirigent
De raaizeger, de dreumer, het aiwege talent
"Gainain kin zeggen wat ik vuil"

Ze zeggen: "blief nait dreumen
Der is te waaineg tied"
Mor laigen dat ze swaart wodden
En vuilen zuk n 'Haile Piet'
Mien buurman, sikkom honderd
Hai twiefelt elke dag
Zo'n man verdaint n standbeeld
En bloumen op zien graf …
Want hai zee, hai zee tegen mie:

"Gainain kin zeggen wat je doun mouten
Gainain kin zeggen wat je vuilen
Gainain kin zeggen wat je doun mouten
Gain kin zeggen wat je vuilen"

De kastelaain, d'örgenist, d'aarme waarkstudent
De viskerman, notoares, de man dij gainaine kint
De laange, de körde, de koale producent
Alle pa's en alle moekes, de Minister-President
"Gain kin zeggen wat je vuilen"

"Gainain kin zeggen wat ik doun mout
Gainain kin zeggen wat ik vuil
Gainain kin zeggen wat ik doun mout
Gainain kin zeggen wat ik vuil"