Letra da Música In Maai... de Age Van Der Velde

n Liester in veurmirregzun
Op zuik noar n vaaileg stee,
Dat handzoam is veur n hail mooi nust
In bomen doar op ree,
t Gaait hail daag deur, wat het ze t drok
Nog even, din is t weer maai,
Kroambèrre is din vast wel kloar
In aankieken van t lutje aai.

n Kieviet, dij hoest nait zo hoog,
Dij nözzelt zich op grond;
In t gruinlaand, doar zit e geern,
Mit n toeve op kop kikt rond;
n Swaalfke, dij blift dicht bie hoes,
Dakgeut is voak heur stee,
En wil e gain gezoes om kop,
Is braivenbus n goud idee.

Doar hoog in d'olle ekkelboom
Is t n komen en goan,
t Nije leven vlugt dommeet oet
Zo gaauw t op poten kin stoan,
Aal joar weer t zulfde ritueel
Moar gain joar dat is geliek,
n Liester in veurmirregzun
Wat is t leven doch riek.