Letra da Música Geluksknikker de Rowwen Heze

Ik hofde d'r echt niks vur te doon
Ik keek nar boete en ik ging
Op mien zelfde alde schoon
En ik deej gewoon mien ding
Oet 't niks begon d''n daag
'n tas koffie bij de krant
Di vur meej op de taffel laag
Ik ging blind op mien verstand

Alles leep zoals 't leep
Brave jong zoeals 't huurd
Zaag aalt 'n denkbieldige streep
En doar bleef ik oet de buurt
Mar inens kreeg ik 't benauwd
Ik waas danig van de leg
Op enne merge gint 't fout
Mienne geluksknikker waas weg

De betoevering verbrook
Ik ging van de hugste plank
Ik keek nar onder en ik dook
Mar 't zwembad dat stong blank
Genne engel di meej ving
De val gebroake dor 'n heg
Toen ik steil nar onder ging
Mienne geluksknikker waas weg

Ik woord wakker en ik keek
't vulde als 'n nij begin
toen ik dor mien oege streek
en 'n licht nar binne scheen
roeie gloed op 't plafond
't waas nog duurster mar ik zaag
'm strale an de horizon
op enne splinternijje daag