Letra da Música Schuumbad 1 de Patent Ochsner

wo är nach meh als vier monet us dr rs
zrügg isch cho
mit däm silbergraue vw golf
het sie deheime dr tisch schön deckt
mit rose & mir cherze gschmückt
& är het sys schturmgwehr i schaft
inegschtellt
het gseit:
«schatz I nime no schnäll es bad»
het ds wasser la loufe
isch zum fänschter uus
& aber i d tiefgarage
im oschtring isch är uf d outobahn
& vo der uus richtig marseille
& sie het gmeint är blyb für immer da
wärdi vater vo zwöine blonde ching
wo sie us däm troum ufgschreckt isch
het sie e wasserschade gha
zur glyche zyt am mittelmeer
am ne chlyne bürotisch
het är sy name unger nes schriftschtück
gsetzt
wo ne verpflichtet het für füüf jahr
är het e beeschi uniform übercho
& ne komische wysse huet
schpäter het sie mal no ne brief übercho
mit eme foto drin
das het ne zeigt mit kahlem chopf
im ne nordafrikanische dorf
das het se zimli chaut gla
& grännet het sie nümm
sie weiss jitz wo sie häreghört
isch mueter vo zwöi blonde ching
het e liebe maa
& I miech e wett
dä isch pazifischt