Letra da Música Hotelsong de Patent Ochsner

bi erwachet hüt am morge
da won I geschter scho bi gsi
ir mitti vom ne schrottplatz
wie dr esu vor em bärg
I ha lang im trüebe gfischet
& bi nümm ganz bi troscht
nüt isch mir heilig
aber I vermisse di
we ds suufe söu en ehr sy
de isch o ds chotze ke schand
I ha füür gschlückt
& ha füür gschpöit
für nes schmärzensgäut
i dene tage wo so dunku si
dass‘ eim dünkt i dr nacht sig’s häu
me seit es gäbi weder es inne no nes uss
wüu aus wo i eim inn sig sig o uss
& aus wo uss sig sig o i eim inn
& we das würklech schtimmt
de bhüet mi gott dervor
wenn I ändlech wieder bi dir bi
de leg I mi zu dir i ds gmachte näscht
vom mäntig z nacht bis am mäntig morge
ghörsch wie d glogge lüte im chiucheturm
& dä wo sie verloche hüt
dä wär I geschter gärn gsi
dr hans im schnäggeloch
dä isch mit mir verwandt
& hoffentlech hesch rächt gha
wo d hesch zue mer gseit:
was d nid hesch muesch onid unbedingt
verlore gäh
wenn I ändlech wieder bi dir bi
de leg I mi zu dir i ds gmachte näscht
vom mäntig z nacht bis am mäntig morge