Letra da Música Ibrahim Azem de Frans Westenbrink

De Syrier Ibrahim Azem
Veur hum zing ik dit requiem
En veur soldaot Pierre Valayer
Die hooplijk rost ien vree
Marcel Leveque, Pierre Bevalot
Robert Spina, Jean Munch en zo
Ien Zeyerveld een monument
Gien Drent hef ze ekend

Hij was een Fraans parachutist
De oorlog was zoe wat beslist
Ien 't grote vliegtuug droomde hij
"Nog even, dan is 't veurbij"

refr.:
't Was tien april, een lentedag
Hij wus niet iens waor Drenthe lag
Hij vocht hier simpel op bevel
Hij haatte dizze oorlogshel
Hij haatte de paradepas
Hij wol dat e ien Damascus was
Hij wus niet iens wat vrijheid was
En hij was bange

Ibrahim Azem, de held
Die vund zien dood ien Zeyerveld
Maar dat 't was ien Zeyerveld
Det is hum nooit verteld
Hij was een Syrische chasseur
Zien waopen was een mitrailleur
't Holp hum niet, die mitrailleur
Een Mof die was hum veur

Azem mus 't Fraanse leger ien
't Koloniale rotregime
Hij was een arme Arabier
De oorlog bracht um hier

refr.

Een jonge uut 't Ruhrgebied
Die was zien beste maot al kwiet
Een kogel uut een Fraans geweer...
De oorlog is vulgair
't Ventie jankte, doodsbenauwd
Verdweeld hef e wat rondesjouwd
Vol heimwee naor zien va zien laand
Beroofd van zien verstaand

Hij wol naor huus, hij wol niet dood
De Fraansen kwamen deur een sloot
Hij hef nog ien keer goed ericht
Hij kneep zien ogen dicht'

De Syrier Ibrahim Azem
Veur hum zing ik dit requiem
Zien naam' stiet op een stien vermeld
Hij sneuvelde in Zeyerveld
't Was tien april, een lentedag
Hij wus niet iens waor Drenthe lag
Hij wus niet iens wat vrijheid was
En hij was bange