Letra da Música Spaort de Longen de Boh Foi Toch

Spaort de longen, heb fedusie in den jongen
A'j 't maor estemeert
Spaort de longen, heb fedusie in den jongen
En neet vertestuweert

Veur dag en dauw geet e naor zien wark
En watkeers zee'j 'm in de kark
Alles aeven kas, nooit es effen dwars
En 's aovends in 't höfken an 't wark

Zien vrouwken poetst de roeten spic en span
Zo schone at maor kan
En ok op schole is der met de kinder niks mis
daor dreume wi-j toch allemaole van

Weer een ander geet zien eigen gank
Een aovend duurt 'm nooit te lang
Alles aeven vlot, 't kan neet kapot
Eerst een bierken en dan starken drank

Zienen boodschap klunk dan fier in 't rond
Die verdaeldheid da's jo ongezond
Hef so wie so geliek, dat geldt veur arm en riek
Doot de flesse nog es rond

Want raar blif 't um te scheiden
In geleuvegen en heiden
In de ene en de andere helft
Want i-j praot toch alles naor ow zelf