Letra da Música Aiezkoako Mendietan de Benito Lertxundi

Aiezkoako mendietan
Auñamendiren magalean
Iratiko oihanaren itzalean
bihotzaren erdian
euri, elur eta laiño
laiño guztien artean
zegoen eta dago
bakardadean
ixillean, lo
Orbaizetako ola
Orbaizetako fabrikaren ondarra
eta oroitzapena.
Tegi baliosa
altxor preziatua,
karlistek eta lieberalek
borrokatutakoa,
osinean amildu eta gero
finean
edozein aizeren menpekoa.

Zure azken atsaren lekuko
Telleria zuzendaria
zure magalean ehortzia
Xangoaren bakean
labeen ondoan
fago batzuen azpian,
sabeleko suaren getari
hillik ere zeletan.

Orbaitzetako ola
gure amets arriztatua
gure itsaropen urtua
hor zaude
zu zara
mendien erdian
euri, elur eta laiño
gure aragi urratuaren
ondar hil eta bizia,
Orbaizetako ola zahar
eta berria
gure izatearen oroitarria.