Letra da Música Överall Nur Pänz de BAP

1)
Micha spillt mem Claudia, Sarah spillt mem Pierre,
Janis jaach dä Paulo un dä Max läuf hingerher.
Lena spillt mem Leo, Nikki spillt mem Hans
un dä Boris is am staune, wat dä Ahmet alles kann.
Dä Himmel ess blau un wat blöhe kann, deit blöhe.
Alles läuf wie vun selvs, keiner muß sich jrooß bemöhe.
Alles friedlich un still, jeder darf watte will.

Refr.:
Överall nur Pänz un nirjendwo en Jrenz.

2)
Et Lisa hätt ne Tambourin, dä Kim hätt e Kazoo,
dä Ramon Kastanjette, allemohle sinn se fruh,
dat dä Klaus die drei Akkorde kann,
op dä Jittar vum José.
Et Marieche rööf " Caramba !"
un dann jonn se op Tournée.
Die Jaraasch ess die Bühn un die Müllemmer sinn Loge.
Un et Publikum fleut, es bejeistert met ahm tobe.
Un en all dämm Jebrüll ess et friedlich un still.

Refr.:
Överall nur Pänz un nirjendwo en Jrenz.

3)
Zick Zack, Mömmes op der Back
unjekämmp un Ledderjack.
Hüh Hott, flitsch en flott,
et Laura sitz om Kammepott.
Zom Deuwel met dämm Tüddelskromm,
die Stimmung he ess en Sensation.
Die janze Stadt ess raaderdoll,
Räpp un Pank un Rock un Roll.