Letra da Música De Swoanedaans Van Rãttemeroog de Alex Vissering

Tou nou tou vocht de mins met dieken tegen de netuur,
t Klaainste leven vecht hier op Oog en wint meschain n uur
Grode widde wolken bewegen zok gunder op de Ploat
Luu dij beulde wind vangen hebben aaltied t leste woord
De störm van eerguster pluig de Zuderdunen
Sliekoakster en Sliekwilster lopen doar doags te strunen
n Keudeldoemke in Tox zien toene is duchteg hin en weer
Ik vuil mie riek op dizze dag, ik vuil mie n aalbegeer

Refraain:
Loat Oog mor lopen, loat Oog mor lopen

n Ballet van negen baargeenden, de oosterwind zien meziek
De Koap is t dekor en wie binnen het publiek
De Swoanedaans van Röttemeroog is weerd om te aarven
Wat we gemain hebben is de woarheid van t staarven
n Mement op n aailand, n mement n wottergeus
Speuren van n Reegnwilp, speuren van n reus