Letra da Música As Zee Bist Doe de Wia Buze

Is 't menaaier woaropst doe kikst
Houst doe dust en houst doe bist
Is 't meschain dien oogopslag
Dat ik die zo geern mag
Is 't dien stem dij mie omslot
En ik noar die heuren mot
Bist mien waarmte, bist mien kol
'k Wait allint dat k van die hol

Want as zee bist doe, mien laiverd
As eb en vloud tougliek
As golf van mien bestoan
As woater tegen diek

Bist mien troan en bist mien lach
Van t begun dat ik die zag
Bist mien waiten, bist mien vroagen
Bist mien bliedschop en mien kloagen
Doe bist nacht en doageroad
Zwaart en wit as goud en kwoad
Bist mien angst en bist mien beven
Zunder die wil ik nait leven

Doe bist mien hoes, doe bist mien stee
Bist mien wenst en ook mien vree
Bist mien denken en mien hoop
Bist de grond woarop ik loop
Zeker wait ik nait wat 't is
'k Vuil allint dat ik die mis
Bist mien dag en bist mien nacht
Op die heb ik altied wacht