Letra da Música Oggi O Dimane de Teresa de Sio

Quanti fatti cont'a ggente

uno 'e ddice e n'ato 'e sente

ma a ggente, o sai, nun sape mai



E parla 'e tutto e parla 'e niente

so parole dint'o viento
e o viento, o sai, nun torna mai

Ma oggi o dimane resterrà
sulo fummo che vuò fa
chello ch'è perso è perso già

Ma oggi o dimane cagnarrà
viene o juorno
ch'o tiempo sperso po turnà

Ma oggi o dimane cagnarrà
viene o juorno
che l'erba secca ll'ea brucià

Sai che d' è
tieni o tiempo a nnanze a te
oggi è ancora accussì

Ma ll'ore e 'e jurne corrono
cammenanno può truvà
oro e argiento pe te

Che tutt'attuorno spontano
tieni o tiempo annanze a te

nun t'o fa arrubià



O sole va a carè luntano

ll'uocchie chiuse e 'e stelle 'mmano
ma a luna, o sai, nun dorme mai

Nun s'addona quanno schiara
è na lucciola e scumpare
e cchesto, o sai, nun cagna mai

Ma oggi o dimane cagnarrà
vene o tiempo
ch'o sole e notte po spuntà

Ma oggi o dimane cagnarrà
viene o juorno
che l'erba secca ll'ea brucià

Sai che d' è
tieni o tiempo annanze a te
e mo te siente e cantà
e mò te vene a chiagnere

T' addimande che sarrà
mo te siente e parlà
e mò nun sai che dicere
tieni o tiempo annanze a te
nun t'o fa arrubbà