Letra da Música Baove de Vieftig Jaor de Jan Ridderbeekx

Doe sjoefs en doe sjravels, veuls dich miserabel,
doe wérreks dich gans oet de naod.
Doe veuls dich ellenjig, bés neet meé zoa henjig,
en wéts dich opèns geine road.
Doe wurs al get ouwer en veuls dich get flauwer,
omda's doe zoa jónk neet meé bès.
Doe höbs nao 't werk diene sjat get belaof,
mer doe wils eésj 'n half uurke rös.

Refrein:
Baove de vieftig jaor liek alles väöl angesj,
al höbs doe get väöl gries haor.
Kom maak dich neet zoa drök,
op dae bril en die rumpelkes nao,
bés doe net väöl verangert.
't Is nog lang neet gedaon, kèns nog jaore veuroet,
om vanalles en nog get te doon.

Baove de vieftig jaor, dan wurt 't veul sjoaner,
wèts woo's doe de mosterd haols.
Jao, dan preufs doe 't geluk,
de leefde die leet nog neet nao.
't Wurt als mer sjoaner.
't Is nog lang neet gedaon, kèns nog jaore veuroet,
om vanalles en nog get te doon.

Doe kiks in de sjpegel en dènks in dien eige:
Wie kom ich die kilo's noe kwiet ?
Vreuger woar ich toch zoa sjlank en zoa lenig,
mer dat is noe verleje tied.
Doe wurs al get ouwer en veuls dich get flauwer,
omda's doe zoa jónk neet meé bès.
De tied is gevlaoge en doe woars al vieftig,
veur da's doe 't zelf good wis.