Letra da Música Gioani’ Banana de Il Bepi & The Prismas

Sabet matina al s’è spusàt Gioanì Banana
I era tri agn chi sa parlàa lü e la Silvana
La tusa ‘QQuinto chel che lü ‘l ga sö l’edicola
Che so surèla la sta zo al Lìerù…con d’ü terù

Enerdè sira a iera zo ai cürve ‘lla Selva
A tecà sö ü lensöl con sö “Ocio ala belva!”
‘GGià töl in giro da quando i è turnacc
Da öna vacanza ‘nsema a Mars Alaam come rotàm!

E al Bar Centrale Mario e Natale
A iè drè a tiràs balùrcc a culp de ülìe e amari

Drece söl müs brache de ris, adòs ala spusa
E söbet dopo öna risma de amìs chi suna e chi ùsa
E al ristorante a ‘nnè samò öna quac
Chi s’an pienès de salatini ‘l piàt…sti morcc de fam!

Finìt ol persöt i rìa i du spùs stradelà de ‘n ritardo
Muchìla po lè de fa sö di us : an sìa fò ‘n ‘dol parco
A fa zo i foto co l’Aristide e l’sìo Tomaso
Che ‘l ga fa l’prese e fa zo lü ‘l filmàt…ca l’è üsàt

E al bar centrale Mario e Natale
A iè drè a tiràs balùrcc a culp de Prosecco della Valdobbiadene

Vers a quatr’ure a ‘nnè piö gna ü…iè töcc denàcc a la tele a èt i proe d’ol Gran Premio
E töcc i pöcc a iè fò cus in del l’erba chi sa strapa i caèi
Renato l’a tecàt coi barselète sporche (ma te! De chi lé cuntra la cèsa!) ègie e straègie chel gregna nisü
E ‘l sio Berto al ga piö gnè la us a forsa de usà: “hip hip…hip hip”

Don Giacomo l’è piè come ön öf e Maurissio l’a puciàt la craata n’del öle di raviöi
Remo e Stanga, ghèt presént Remo e Stanga? I è ‘ndacc a cà di spuss a pitüragla de fussia, ‘ssè per faga ü schèrs, spöderai is issè ‘mbecilli?
La nona Santina l’è samò drè a crodà e la Silvana la ‘nna bel e piè i tole de ‘ndà sö e zo co’ strascico e Cancèl l’è al ters pachèt de Stop

E al bar centrale Mario e Natale
Sono dietro a tirarsi balordi a culp de Ceres e grapa con det la lèpera