Letra da Música Laet Ons Den Landtman Loven de Folkcorn

Laet ons den landtman loven met sanghe ende vruecht,
want hi gaet al te boven om sijn loyale duecht;
landouwen, sloten, steden daghelijcx spijst ende voet
met sijn sweetighe leden den edelen landtman goet,
daert al by leven moet.

Hertoghen, prinsen, graven, sullen si zijn ghespijst,
den landtman moet beslaven, thes recht datmen hem prijst;
als heren triumpheren en schaffen huypschen moet,
men siet hem laboreren, den edelen landtman goet,
daert al by leven moet.

Dan is hi van die papen om zijn thiende gequelt,
die costers staen en gapen om eyeren, schooven oft gelt,
susters ende baghijnen om hebben elc hen groet;
dus laet hi vanden sijnen den edelen landtman goet,
daert al by leven moet.

Die iaghers en serganten die zijn oock geerne verblijt,
want si hem voor terwanten en boeven hebben bevrijt;
den molenaer van den mele, als hi ter molen doet;
schept diepe, God weet hoe veele, vanden edelen landtman goet,
daert al by leven moet.